fredag 23. desember 2011

Potetmelstoppar og ambrosiabrød

Då er jula komen for i år, på rettmessig vis med Grevinnen og Hovmesteren! Lika fantastisk år etter år. "Same procedure as last year miss Sophie?".  Då e me klar for jula!!

Eg har ein plan om å få legge ut oppskrifter på julekakene eg har laga i år jamt og trutt frametter.

Glutenfrie potetmelstoppar:


Du treng: 250 gr smør, 250 gr sukker, 1 egg, 500 gr potetmel, 125 gr mel, 4 ts vaniljesukker og 1 ts bakepulver. Rør smør og sukker kvit. Deigen knas saman. Den vert ganske tung, så eg pleier sleppe den ut på benken og kna den saman for hånd. Trill ut til små kuler som du trykker ganske flate med ein gaffel. Kulene veks i omnen, så pass på å lage dei ganske små! Steik dei ved 180 grader i omlag ti minutt. Du skal kunne sjå at dei er blitt gylne under. Vær forsiktig då dei er porøse, men få dei over på rist til avkjøling.


Ambrosiabrød/julebrød


Du treng: 5 dl melk, 125 gr margarin, 2 dl (brunt) sukker, 200 gr rosin, 1 pk gjær, 2 ss fiberhusk, 2 egg, 500 gr semper miks, 100 gr jyttemel. Dersom du vil, kan du ha i sukat. Kok opp melk, margarin, sukker og rosiner, avkjøl. Rør ut gjæren i melka, pisk så inn fiberhusk. La stå medan du måler opp mel. Pisk egga lett saman. Alt eltes godt saman. Hev til dobbel størrelse. Du kan velje om du vil ha dei i vanlege brødformer, eller lage dei som runde brød. Etterhev og pensle med egg. Steik ved 200 grader i ca 20 minutt.  


Ha ein fortsatt flott vetle julafta!!




mandag 19. desember 2011

Glutenfrie brune pinnar

Krise!!! Eg har ødelagt dei brune pinnane mine!!! Sukk... Me kan jo starte innlegget som om alt vart vellukka... :) Du treng 200 gr smør, 200 gr sukker, 1 eggeplomme, 1 ss lys sirup, 1/2 ts kanel, 1 ts vaniljesukker, 1 ts natron, 300 gr mel. 



Rør smør og sukker godt saman. 



Bland i resten av ingrediensane og jobb deigen saman. Del deigen opp i seks deler. Trill pølser som du trykker flate. Sjølv om pølsene ser små ut, lag seks og ha tre på kvar plate!



Pensle med eggekvita og strø på hakka mandlar og perlesukker. Steik i 10 minutt på 175 grader midt i ovnen. Del i pinnar medan dei er varme. 



Kjenner eg er litt usikker på kva eg har gjort gale i dag. For det første lagde eg bare til tre pølser som eg la på same brettet... Ingen god ide. Ser at dei er blitt tynnare enn sist, samt at dei ikkje stivnar som forventa då dei vert kalde. 




Jaja, det er ikkje alt som vert vellykka! Men smaken er likevel god!!!




torsdag 15. desember 2011

Halvvegs i advent...

På tysdag var eg til Haugesund og henta den nye sofaen min!!! Må sei eg vart temmeleg så nøgd! Måtte jo bli ein svart skinnsofa. :)




På turen til byn kjøpte eg cd'en til kronprinsparets fond, Vi tenner våre lykter. Satte på første sangen og hamna rett til barndomen. Det er jo introen til julebarnetv! Sangen er "Å kom nå med frihet" med Ingrid Olava. Resten av sangane på cd'en var vel ikkje mine favorittar, men er likevel nøgd då det er gode formål dei skal støtte. 




Det er rart kor fort adventstida har gått. Mange av lukene i kalenderen min er opna, og det nærmer seg julafta med stormskritt. 




Det dukkar opp gammaldagse englar i kalenderen og! :)




For min del er det pinnakjøtt som er julemiddag, men har dei siste åra forsøkt å lage til ribbe med sprø svor. I fjor gjekk ikkje dette så bra, så i år gjekk eg til innkjøpt av ribbeform. 




Hadde litt vatn i botn av forma og dekka den med aluminiumsfolie. Lot ribba stå i 45 minutt på 230 grader. Dette gjer at ribba bles seg opp, og svoren spriker. 




Etter 45 minutt tek du av folien, senkar temperaturen til 200 grader og steik videre i 1 1/2 time. Satte på grillelementet på slutten og dette gjor til at svoren vart flott og sprø! 




Det var ein enkel og grei måte å få den sprøe svoren. 




søndag 11. desember 2011

Glutenfrie pepperkaker

I går vart pepperkakedeigen kjevla, utstikka og steikt. Det har blitt grunnlag til eit pepperkakehus og litt pepperkaker. Deigen var enkel å lage, men trur ikkje den blir min favoritt. Syns ikkje den smakte "skikkeleg" pepperkake, meir sirupsnipp. Men det kan jo være at den blir nokon andre sin favoritt??










Oppskrifta er som følger: 250 g sukker, 250 g smør, 250 g sirup, 2 dl kremfløte, 2 ts ingefær, 1/2 ts pepper, 1 ts kardemomme, 4 ts bakepulver og 750 g mel. 


Sukker og margarin røres kvitt. Bland i sirup. Pisk kremfløten. Bland det tørre sammen. Den stivpiska fløten og det tørre blandes vekselvis i. La deigen kvile over natta. Steikes ved 175 grader i ca 8-10 minutt. 


Deigen smaka som sagt litt meir sirupsnipper enn pepperkaker etter mi meining. Det ser og ut som at delane som er steikt til pepperkakehus, ikkje kjem til å tole å bli montert. Det spørs om eg anten kjøper eit "vanleg" glutenholdig pepperkakehus, eller om eg bare lar det ligge for i år. 


Nå blir det kamp med håndballdamene med noko godt i glaset og snopeskåla... :)




torsdag 8. desember 2011

Årets nye julepynt!

I dag har eg vore og kjøpt meg ny julepynt! 




Det er ei pappstjerne frå Expert. Eg syns den passa veldig bra i kjøkkenvinduet mitt. :) Nå står pepperkakedeigen klar til utkjevling i morgon. Blir spennande å sjå om dei vert gode! 




onsdag 7. desember 2011

Glutenfritt polarbrød og sirupsnipper!

I dag har eg testa ut glutenfrie polarbrød som eg snubla over i helga då eg var i Bergen. På senteret i Åsane er det ein helsekost som har eit imponerande utval glutenfrie varer! Eg kjøpte med meg ein STOR pose med forskjellig oppi. Blant anna nokre grove baguettar som allereie er oppetne, og som eg ikkje har noko bilde av. Dei var veldig gode... Som sagt så vart  polarbrøda testa i kveld.



Eit ukjent merke for min del, men absolutt til å anbefale! :) Dei skal nett varmast nokre minutt i steikeovnen, eller nokre sekund i mikroen. 



Eg pleier å sverge til brødmaten eg lagar sjølv, men dette kjenner eg vart ei positiv overrasking. Eg er glad eg turde teste desse. 



Eg slo og til og kjøpte denne vetle boksen med sirupssnippar. Kjempegode!! Dei er laga av Gjestalveien Konditori, og er også uten melk. Trur det var dei som hadde laga baguettane og. 






tirsdag 6. desember 2011

Snart ferie!

Huff, nå er det alt for lenge sidan førre innlegg! Reine bloggtørken. Det er mykje grunna at det har vore svært så travelt på jobb siste tida (kan i alle fall skylde på det). Det har ført til at eg ikkje har orka tanken på å sette meg ned og lage innlegg. Ein positiv ting med jobben er at eg var opp til fleire dagar i Bergen, og då er det ein svært så kjekk butikk på Galleriet: konfektgalleriet! Ein flott liten chocolatièr i første etasje. Måtte ha ein liten pose!



Det var ikkje så mange bitane i posen, men dei er mektige! Sjølv om eg har cøliaki er det mykje å velge mellom. 



Me har jo allereie passert andre søndag i advent, og eg antar dei fleste andre og har pynta til jul. Eg pleier pynte til jul første søndag i advent, men blant all pynten er det ein som står for meir nostalgi enn resten:



Englespelet! Dette er ikkje heilt likt det gamle som me hadde i barndomsheimen min, men det gjer nytta! Tenn på lys og englene lagar eit frykteleg leven, herleg!!  :)



Eg har og feira bursdagen min sidan sist. Den skulle eigentleg forbigåast i stillhet, men eg fekk lyst på marsipankake. Det enda med eit lite kakelag rundt ei (om eg får sei det sjølv) skikkeleg god marsipankake! Til å være mitt første forsøk på å kjevle ut marsipanlokk og pynte kake, så syns eg det vart svært bra. :)




Neste veke har eg tatt ut siste ferieveka mi. Den skal nyttast til å bake dei siste kakene, kjøpe dei siste julegåvene og få huset klart for jul! :)