I dag har eg laga ein god og enkel laksemiddag: steikt laks med grønnsaker og potetmos.
Først skrelte eg poteter, kutta i småbitar og kokte i 10-15 minutt. Medan dei kokte la eg skinnfri laksefilet til steiking. Lett krydra med fiskekrydder. Grønnsakene fekk eit lite oppkok. Helte av vatnet og hadde så oppi litt smør og salt. Når potetene var ferdig kokte helte eg av vatnet, hadde oppi litt smør, melk og krydder (salt, pepper og muskatnøtt) og mos alt saman.
Dander alt fint saman på tallerken, og nyt!! :)
Nå har eg fått nye almanakken min for 2012/2013. Må sei eg vart godt nøgd! Den er bestilt på personligalmanakk side web-sider.
Sida er genial. Du kan velge alt frå farge og stil utanpå, til forskjellige element inni. Om du vil ha lister, linjer, ruter, vær osv... Absolutt anbefalt!
Føles nesten som eg har fått litt vår inn i stova nå. Ein flott bukett med tulipanar,
og ein ny og fin begonia! Blir spennande å sjå kor lenge den står med blomar (og kva tid eg tar livet av den...)
Håper de alle har ei fin helg. Eg har store planar om å berre slappe av, sove og lade batteria! :)
Eg har i ein periode forsøkt å ete mest mogleg uten kveitestivelse for å sjå om det kan føre til ei betring for magen min. Eg fann til slutt ut at eit brød basert på ei oppskrift på eit lavkarbo brød, var eit ganske godt alternativ. Denne oppskrifta her er ikkje heilt lavkarbo, då må du bytte ut sukker med splenda osv.
Bland først ein base som består av 1 beger cottage cheese, 5 egg og ca 1/2 dl olje. Kjør det glatt med ein stavmiksar. Bland så sammen det tørre: 3 ts bakepulver, 3 ts sukker, 2 ts salt, 2 ts fiberhusk, 2 ts mandelmel, 30 gr pofiber, 30 gr sukkerroefiber, 4 ss jyttemel, 40 gr linfrø, 40 gr hakka valnøtter, 40 gr solsikkefrø og 40 gr sesamfrø. Rør alt saman. Ha oppi ei form kledd med bakepapir.
Det er ein litt omfattande steikeprosess, men det er verdt jobben for smaken sin del! Steik brødet først 25 min på 180 grader. Steik det så i 40 minutt på 150 grader. Ta brødet ut av ovnen, ta det ut av forma og fjern bakepapiret. Legg brødet på rist og steik i 20 minutt på 180 grader.
Som sagt var brødet så absoultt eit godt alternativ, og anbefalast til utprøving!
Då var fastelavn passert, og fasten nærmer seg styggeleg... Fastelavn er sju veker før påska og markerer starten på fasten. (For dei som driv med sånt...) Fastelavn vert markert på forskjellig vis rundt om i verda, her heime er det mest vanleg med boller, bjørkeris og karnevalskledde ungar. Eit anna namn på fastelavn er fleskesøndag, sidan skikken var å feite seg opp før fasten. Dagen etter kalles fleskemåndag, eller blåmåndag!! Etterfølgande tysdag vert kalla feitetysdag, eller kanskje meir kjent: Mardi Gras. Mardi Gras markerer slutten på karnevalstida, og onsdagen etter innleder fasten. Har då og det noko meir nøkterne kallenamnet askeonsdag.
Det har nok blitt bakt mange boller og piska nokre liter krem i dei norske heimar i helga. Eg har og laga boller, men med ein litt annan vri enn den klassiske "fastelavn - bolla".
Oppskrift:
100 g smør, 500 g mel, 1 1/2 ss jyttemel, 1 pk gjær, 2 ss fiberhusk, 4 1/2 dl vatn, 2 ss sukker, 1 ts salt og 1 ts kardemomme.
Smøret smuldres i melet. Eg nytta tørrgjær i dag og hadde difor alt det tørre i ei bolle, tilsatte så vatnet og jobba alt saman til ein jamn deig. La heve i 30 minutt. Kna deigen godt saman. Del i emner og form til ønska boller. Eg klappa dei flate og fylte dei med marsipan, sjokolade og nøtter. La heve 15-30 minutt og steik i 12 minutt på 250 grader.
Bollane vart svært gode og kan absolutt anbefalast. Oppskrifta er eigentleg til hamburgerbrød, difor lite sukker. Ut frå denne deigen kan ein lage alt mogleg: pinnebrød, hamburgerbrød, boller, pitabrød osv osv... Det er berre å ta vekk krydder eller tilsette meir sukker for søte boller.
Nå har morsdagen kome og gått for i år... Morsdag er ein skikk som starta i Amerika på tidleg 1900 - talet. Skikken er blitt svært kommersialisert av handelsstanden i løpet av åra. Dagen vert markert på forskjellige tider og måtar i forskjellige land. I Norge er morsdag andre søndagen i februar.
Korleis markerte du den?? Då eg var mindre var tradisjonen å smørje nokre skiver som eg drog inn i senga til mamma og pappa. Dei siste åra har det vore meir vanleg at eg lagar ei kake og tek turen innom på besøk. I år vart det ei bløtkake med aprikosfyll og litt alternativ topping. Det vart litt lite då eg hadde lagt ut sjokoladen, så eg rota i posen med smågodt og fann mamma sin favorittgodis: aprikos.
Dei sel jo bukettar overalt til morsdag, så det var enkelt å ta med ein bukett heim og. Men trur du ikkje foreldra mine hadde reist på middagsbesøk til bror min, så eg kom til eit tomt hus!! Fantastisk bra planlegging gitt. Det var bare å ta kaka under armen og kjøre heim igjen (dei kom innom og et kaka på vegen heim). :)
Elles så ventar eg i spenning på at hunden min skal få kvelpar. Kryssar fingrane for at dei kjem nå snart!!
