Snart vår??

Det kan nesten sjå ut som det er blitt vår i stova mi!!




Kjekt med ei søster som sender blomar nedover. :-)




Me må vel vente litt på våren enda, men det nærmar seg!! Enn så lenge får me kose oss med gode middagar, gjerne med ein liten dessert etter...




Pølsegratengen ser gjerne ikkje så freistande ut, men smakar svært så godt. I denne brukte me servelatpølse som vart steikt. Kokte makaroni og laga ein kvit saus med to eggeplommer i. Blanda alt dette i ei ildfast form. Piska eggekvitene stive og la som eit lokk på toppen. Strø over ost og steik i 20-30 min på 200 grader. Dersom du vil spe på med noko sunt, kan du legge broccoli oppi forma og.




Ein annan favoritt er når sambu lagar bakt potet. Då er det kokt potet med ein saus anten med kjøttdeig eller skinke, iblanda rømme og tacokrydder.




Pastasalat er ein grei ting å lage til kveldar med vener, eller som lunsj på jobben. Då kokar eg makaroni og blandar oppi det eg har av restar, eller det eg fann i farten i grøntdisken på butikken. Denne gangen vart det skinke, sukkererter, reddik, paprika og ost (babybell). Som dressing vart det blanda chilli og kvitlauk inn i ein boks med rømme.

- Posted using BlogPress from my iPad

Nyaste maleprosjekt og familietreff...

Her er det siste malingsprosjektet mitt... Speilet var tidlegare trekvitt, men fann ut at det ikkje passa heilt inn når eg fekk opp den "nye" skjenken. Måtte flytta speilet over på andre veggen så det kom på samme veggen. :)

Syns det vart ganske bra resultat.

Rydda gjennom kjøkkenskapa mine og fann ei gammal skål som eg tenkte kunne være fin til å pynte benken med. Er litt usikker på kva eg skal putte oppi... Gode forslag tas imot med takk!!

Dette er favorittblomet min for tida, fresia. Fine og sjå på og luktar fantastisk!

Nå i helga har deler av familien samla seg på Seljord. I går stod eg derfor og laga pastasalat og skuffkake. Pastasalaten vart med mykje rart oppi; Pasta, rødløk, mais, agurk, skinke, sukkererter, lettrømme og creme fraiche. 

Lagde og botnen til ei sjokoladekake til gjengen. Sidan kaka vart laga litt seint på kveld blir kremen laga på lørdag. Oppskrifta er lagt ut før, under overskrifta Sjokoladekake i langpanne.

Me bur på Garvikstronda camping attmed Seljordsvatnet. Området på campingen er flott. Med hoppetårn og vanntrampoline!

Det er to familiar som bur i bubilar i helga. Eine skal og ligga i telt, men dei kom etter at eg tok bilde. Bubilane i front høyrer til følget vårt. 

Godt utstyrt leikeområde.

Nokon av hyttene ligg fascinerande til på bergskrentar.

Håpar på at været held seg bra i morgon og!