Lefsebakst

I helga har eg hatt mor mi på besøk, og me har baka forskjellige sortar lefser og kaker. Det vart ein svært så lang dag. Me laga kvite, tynne lefser (og kalla mjølkelefser), nordlandskaker og potetekaker. 

Kvite tynne lefser - og kalla mjølkelefser:

5 dl lunka mjølk, 125 gr smelta smør, 1 ts hjortesalt, 1 ts bakepulver, 2 ts xanthan gum (dette hadde eg ikkje), 1 dl sukker, 1 egg, 1/4 ts salt og 1 1/2 pakke semper fin miks. Bland alt og ha i nesten 1 1/2 pakke semper. Deigen skal være fast og løsne frå bolla. 

Emna skal kjevles så tynne at du kan "sjå" benkeplata gjennom leiva. Ha godt med mel på bordet når du kjevler. Eg syns deigen var heilt grei å jobbe med, sjølv om eg ikkje hadde xanthan gum. Leiva skal berre steikast på eine sida. Den skal akkurat ha fått farge, men ikkje være brun! Dersom du ikkje smører dei med ein gang, må dei pakkast godt inn i plast. Smøres helst same dag. 

Fyll: 300 gr prim, 300 gr soft, 200 gr sukker, 200 gr raspa brunost og litt vatn. Når leivane skal smøras må dei være fuktige. Dette for å unngå at dei knekk når du brettar dei saman. Det kan være nok å legge ein fuktig klut under lefsene medan du smører dei, viss ikkje kan du smøre leivene med ein fuktig klut og la det trekke inn i nokre minutt. Dei skal ikkje være våte, berre fuktige. Smør lefsa med fyllet på den sida som var ned då du steikte, brett saman og nyt!! 

Nordlandskaker:

200 gr (2 dl) lys sirup, 200 gr margarin, 3 egg (romtempererte), 350 g (knapt 4 dl) sukker, 4 dl kefir, 4 ts hornsalt, 2 ts vaniljesukker og 3 pakkar toro lys kakemiks. 


Smelt sirup og margarin over svak varme, avkjøl til lunkent. Visp egg og sukker til eggedosis. Rør hornsaltet inn i kulturmjølka. Vend mjølka inn i eggedosisen saman med smelta sirup og margarin. Tilsett vaniljesukker iblanda litt av melet. Bland inn resten av melet. Dekk deigen til og la den stå kjølig i 2-3 timer, eller over natta. Dryss litt mel på benken. Ta nokon emne om gangen, og kjevle ut 2-3 mm tjukke leivar. Varm takke eller tørr og rein steikepanne til ca middels varme. Steik lefsene gyllenbrune på kvar side. Avkjøl på rist. 

Potetekaker:

Eg har inga oppskrift, mor mi blanda i hop etter augemål. Me kokte opp fem-seks litt små poteter med skalet på. Skrelte dei og mosa dei. Hadde i jyttemel til passe deig. Ein liten klump smør og ei klype salt. Kjevla svært så tynne og steikt på tørr takke. 

Ambrosiabrød og ostesmørbrød

I kveld har eg starta på julebaksten for i år, ambrosiabrød! 

Oppskrifta finn du her. 

Er litt seint ute kan du sei. :) Det har vore litt for travelt til at det har blitt baking av småkaker eller laging av snop enda. Til helga er det planar om å få bake lefser av forskjellig slag. Håpar nordlandskakene vert meir vellukka i år enn i fjor. 

Utanom ambrosiabrød vart det laga ostesmørbrød til kvelds. Det er kanskje ein litt spesiell måte å lage dei til på, så eg tenkte eg kunne dele og kanskje gje litt inspirasjon til alternative måtar å lage ostesmørbrød på. :) Du tek to ganske tynne skiver med brød. Smør på passeleg mengde med ketchup og sennep. Legg ost på begge sidene, og skinke av ein eller annan sort i mellom. Legg dette saman til eit stoooort ostesmørbrød. Kakk to egg i ein djup tallerk. Visp dei lett saman og ha i litt salt og pepper. Legg smørbrødet oppi og la det ligge eit minutt, før du snur det. 

Steik smørbrødet på middels til låg varme slik at osten fått smelte, og det er fin fagre utanpå. Eg var litt for utolmodig, og hadde for høg varme. All osten var dermed ikkje smelta inni, og dette er slikt som for meg øydelegg ein del av smaken... 

Dette er ein alt for mektig kvelds, og eg kjenner at eg nesten angrar. Men berre nesten!! :) 

Eple og bringebær/blåbærkake

På hausten er det greitt å kunne nytte eple og bær til å kose seg med. Denne kaka er lett å lage, men svært mektig.

- 200 g marsipan
- 4 syrlege epler
- 1 beger bringebær/blåbær
- 4 dl havregryn
- 1 dl sukker
- ca 100 g smør

Rasp marsipanen grovt oppi ei lita langpanne. Skrell epla, fjern kjernen, del i båtar og fordel i forma. Ha i bringebær/blåbær. Strø over havregryn og sukker. Høvle smøret med ostehøvel og ha oppå. 

Steik kaka midt i ovnen på 200 grader i 35 minutter. Kaka kan serverast med piska krem, vaniljesaus eller is. 

Enjoy!!

Første middag på gasstopp!!

Då har eg fått laga middag for første gang på gasstoppen! Den vart ferdig kopla i dag!! :D Kjenner at det vil ta tid å bli kjent med den, men trur det blir bra med tid og stunder. Det verkar i alle fall til å være god effekt av platene! Det kokar jo opp med ein gang nesten. :-) Håpar me vert nøgd med nyvinninga. :-) 

Middagen som fekk æra av å bli den første, var noko så kjedeleg som kjøttaker i brun saus. :-) Ein god gammal klassikar, med ertestuing og tytebærsyltetøy. 

For anledninga vart Toro sin nye glutenfrie brune saus testa. Den var heilt brukande. :-) Det er utruleg kjekt å kunne ha nokon lettvinte alternativ å ty til innimellom. :-)

I dag var eg og så heldig å få ei "kopptæv" av svigermor (det vil då sei ei kjøkkenfille på min dialekt....) ;-)

Den er strikka i rein bomull og skal i dagane framover få teste kva ho dug til. 

Nytt kjøkken

Dei siste vekene her i huset har vore fokusert på eit rom; kjøkkenet!! Det som byrja med ein plan om å få opp ny kjøkkeninnreiing, enda opp med totalrenovering av heile rommet!!

Når me fjerna dei gamle skapa måtte me legge nytt golv... I staden for å berre kunne male tapeten som allereie var i rommet, vart alle dei ørten gamle laga fjerna, veggen pussa og ny tapet hengt opp og måla.
Når vegger og golv til slutt var i boks, brukte elektrikar tre dagar på å fikse på det gamle opplegget. Den rekninga vert nok kjekk å få...

Nå er det meste på plass, og det byrjar å sjå ut som eit kjøkken!!!! Til og med vatnet er på plass, nå manglar det berre ventilator og gasstopp. :D 

På denne boksen skal ventilatoren komme.

Integrerte kvitevarer.

Dette er den mest spennande skuffa i kjøkkenet.

Det er nemleg kjøleskuffer!!

Det er forresten eit Ikea kjøkken, Ramsjø. 

Eg har oppdaga uante talent i denne prosessen og vurderer om eg heller skal slå inn på ein karriere som tapetserar... ;)

Nå spørs det berre kor lang tid det tek før listene er på plass.... Time will show!!

Kreta 2012

I august i år var eg og ei venninne til Kreta igjen. Denne gangen budde me i Agia Marina, på eit hotell som heiter Dimitra. Hotellet var enkelt og greitt. Det som var mest positivt var at det låg eit stykke opp frå vegen, slik at det ikkje vart støy frå trafikken i hovudgata. Hovudmålet vårt var å slappe i sola og gjere minst mogleg, noko me klarte svært godt!! :-) Det einaste me gav oss ut på var turen gjennom Samaria-ravinen. Det er ein tur som startar på 1250 moh og sluttar ved havnivå. Det er ei ganske krevjande nedstiging då ein tek mange av høgdemetrane i byrjinga. Turen er 18 km lang og kan ta alt frå fire til sju timar. Me brukte fem og ein halv time, noko eg syns er bra med tanke på at det var ganske varmt då me gjekk. Turen er ikkje anbefala for folk som har problem med ledd, eller folk som har hjarteproblem. For folk elles, så er det ein flott tur!!




Rassikring er ikkje nett det same som her heime. Fleire plassar var markert med fare for ras, ikkje stopp. Likevel var det ved eit tilfelle nokon som satte seg ned for ein nistepause...




Dersom du fekk problem på turen, var det ikkje mogleg for ambulansar å komme til. Du måtte ta til takke med "Tussi"...




Det var mange rare formasjonar og mønster i fjellveggane.







Det var mykje vandring i det uttørka elveleiet.




Sjølv på dei raraste plassar var det trær...




I løpet av turen kryssa ein elva mange gonger. Nokre gonger på steinar, andre gonger på "solide" bruer... ;-) Det var svært interessant å sjå på ei som krabba over ei bru på alle fire. Trur kanskje ho hadde noko høgdeskrekk....




Me møtte ikkje på så mange dyr inne i ravina, men utanfor møtte me på denne kjekkasen!! Kikka meg over skuldra nokre gonger når me gjekk vidare...




Turen var flott, men det aller beste var dukkerten i Libyiske hav i Agia Roumeli då me var ferdige.




Frå Agia Roumeli må ein ta båt til Chora Sfakion, og derifrå buss tilbake til utgangspunktet. Det er ein lang dagstur, men absolutt verdt det!!

- Posted using BlogPress from my iPad

Familietreff på turistforeningshytte!

I fjor hadde me familietreff på camping på Seljord, i år derimot er vi på Utsira. Utsira er ei lita øy uti havgapet. Du tek ferje frå Garpaskjærkaien på Risøya i Haugesund. Turen tek i overkant av ein time og du endar opp midt ute på havet. :-) Hytta er ei av den norske turistforeninga sine hytter, Nordvikgården. Nordvikgården opna i 2009, då den gamle brant ned eit par år før. Det er ei stor og flott hytte med sengeplasser til 36 personer. Det er spesialnøkkel til hytta, og ein må ringe Haugesund turistforening for å bestille overnatting. I stua er det to langbord og to sofagrupper.




Kjøkkenet er stort og godt utstyrt. Det er blant anna dobbelt med kokeplater og steamer til å vaske opp med.




Kjøleskap, fryseskap, steikeovn og mikro.







Utforbi stova er det laga til ein fin platting med sitteplass og grill.




På plassen framfor hytta har dei laga til ei grillbu. Der er det plass til mange med grillspyd! :-)




Oppi bakken fann vi ein badestamp, men dessverre utan vatn. :-(





På informasjonen om hytta på ut.no står det at det ikkje er spesielt tilpassa å ha hund på hytta, men det skulle være eit hundehus bortenfor hytta. Eg måtte kikke litt før eg fann det...




Det har nok gjerne ikkje vore i bruk særleg ofte??? :-) Nå kjem snart resten av familien og då stig nok støynivået her ein del.

Ha ei fin helg!! :-)

-Laila-

Testing testing....

I dag har eg fått ein ny venn i hus, ein Ipad!!!! :-) Eg håpar eg kan få til å blogge gjennom ein app på den, då vert det kanskje litt meir blogging frametter. :-) I det siste har det vore ganske travelt sjølv om eg har hatt ferie. Eg har nemleg nytta ferien min til å flytte! Eg har solgt hus med eit måls tomt og kjøpt ein rekkeleilegheit i staden. Trur nok dette vil passe meg betre. Eg er nok ikkje akkurat kjent for å ha grønne fingrar.... Eg har nesten fått ting på plass nå, men ser at det enda er ein veg å gå. Her blant anna vore å kjøpt meg ny grasklyppar som for tida er parkert i inngangen...




Jadda, flott med flytting du!!

Har nå fått "pynta" litt ved inngangsdøra (ser vel kanskje tendensar til kor dårlege dei grøne fingrane mine er..?).





- Posted using BlogPress from my iPad

Heimelaga hamburgerar

Det er ikkje ofte eg et hamburger lenger, og då er det som oftast på Burger King eller McDonalds. Denne gang vart det derimot laga heimelaga burgerbrød, og snekring på eige kjøkken. Det var slettes ikkje dumt!! :) Oppskrifta til hamburgerbrøda er som følgjer:


100 g margarin (kjøleskapskald), 500 g mjøl, 1 1/2 ss jyttemjøl, 1 pk (50 g) gjær, 2 ss fiberhusk, 4 dl lunka vatn, 1 ss sukker og 1 ts salt. 

Margarin smuldres i mjølet. Smuldre gjæren i ei bolle, ha i vatn og fiberhusk. La svelle. Rør sukker og salt i væska. Rør inn mjølet litt og litt. Elt deigen godt og la heve i 30 minutt. 


Trill deigen ut i passande emner. Trill til boller og trykk flate. La heve i 30 minutt. Pensle brøda og strø på sesamfrø. Steik midt i ovnen i ca 12 minutt på 250 grader. 

Prøvde for første gang å ha slottspoteter som tilbehøyr til hamburgar. Kappa poteter opp i passande bitar. Blanda forskjellige krydder i olje og hadde over. Steik på 200 grader i ca 20-30 minutt. 

Burgerane vart laga av kjøttdeig med salt og litt diverse krydder. Steik på middelshøg varme. 

Nytt det du ønskjer av tilbehøyr. Her er det berre fantasien som set grenser! :)  (Og slottspoteter er slettes ikkje dumt til hamburgar...)

Laksemiddag

I dag har eg laga ein god og enkel laksemiddag: steikt laks med grønnsaker og potetmos.

Først skrelte eg poteter, kutta i småbitar og kokte i 10-15 minutt. Medan dei kokte la eg skinnfri laksefilet til steiking. Lett krydra med fiskekrydder. Grønnsakene fekk eit lite oppkok. Helte av vatnet og hadde så oppi litt smør og salt. Når potetene var ferdig kokte helte eg av vatnet, hadde oppi litt smør, melk og krydder (salt, pepper og muskatnøtt) og mos alt saman. 


Dander alt fint saman på tallerken, og nyt!! :)

Ny almanakk

Nå har eg fått nye almanakken min for 2012/2013. Må sei eg vart godt nøgd! Den er bestilt på personligalmanakk side web-sider. 

Sida er genial. Du kan velge alt frå farge og stil utanpå, til forskjellige element inni. Om du vil ha lister, linjer, ruter, vær osv... Absolutt anbefalt! 

Føles nesten som eg har fått litt vår inn i stova nå. Ein flott bukett med tulipanar, 

og ein ny og fin begonia! Blir spennande å sjå kor lenge den står med blomar (og kva tid eg tar livet av den...)

Håper de alle har ei fin helg. Eg har store planar om å berre slappe av, sove og lade batteria! :)