Pølsegrateng

Dagane forsvinn i ein sus og dus med å lage middag, rydde hus og aktivisere to små. 😅 Då er det veldig greitt å ha ein komfyr som kan starte å stoppe etter kva tidspunkt eg stiller inn 👏 Då kan pølsegratengen gjerast klar, ovnen stillast inn og eg kan kjøre til barnehagen og komme heim til ferdig middag 😀

Pølsegratengen er veldig enkel. Kok pasta, lag kvit saus (Toro sin ferdige pose) og steik pølsene. Bland alt saman og topp med ost og bacon.




Sett forma inn i ovnen på 200 grader til osten har smelta.




Denne forma er ein stor suksess hos både store og små her i huset 😊

Småsnadder

Det vert sjeldan mellom innlegga på bloggen for tida. Det beklagar eg, men dagane vert travle med to små. Mykje sjukdom siste tida har heller ikkje hjelpt på. Kanskje eg vert litt flinkare frametter, men ikkje hald pusten medan du ventar på innlegg :)

Siste tida har eg fått nokre tips på facebook om smårettar som har vist seg å være enkle og jysla gode! Man tar en baguett, eg bruker desse som kjem i to-pakningar. Dei er eit av få ferdige brødprodukt eg toler ganske så godt. :)

Baguett 1:
Smelt litt smør som du har oppi hakka kvitlauk. Eg brukte to små fedd, men du tek så mykje (eller lite) du vil ha. :) Skjær eit mønster i baguetten, både på langs og tvers. Dette var litt vanskeleg, men eg støtta opp rundt med aluminiumsfolie. :) Hell kvitlaukssmøret oppi spora du har laga på baguetten. Deretter skjærer du opp ost i bitar og stapper oppi. Eg tok og krydderskinke av kalkun i lag med osten. :)

Steik til osten er smelta. Trur eg steikte den i ti minutt på 200 grader. Enkelt, fort gjort og snadder!

Baguett 2:
Nesten like enkel å lage til. Skjær ut midten på baguetten, sånn at du får plass til å legge oppi fyll. Fyllet består av seks egg, ca seks ss fløyte, krydder etter ønske, håndfull eller to med ost og ca 150 g skinke. Skinke kan byttas ut med bacon, kjøttdeig eller anna ønska kjøtt eller grønnsaker. Denne mengden med fyll er nok til to av mine små baguettar og ein stor vanleg baguett til sambo. :) Steik på 175 grader i 25 minutt. Nyt!

Ha ein fin kveld :)

Bananlappar og enchiladas

Eg har ein gut som slettes ikkje er vanskeleg i matvegen, men han har faktisk nokre favorittar og den eine er bananlappar. Det høyrdes eigentleg litt småleg ekkelt ut syns eg, men tenkte eg skulle gje det eit forsøk sidan det var ei lettvint og sunn røre. Du tar ei banan, to egg og ein "dæsj" (1/2 - 1 dl) havregryn og kjør det med ein miksmaster. 


Eg lot røra stå nokre minutt før eg steikte dei på steikepanna med litt smør. Eg fann fort ut at det var ein fordel å steike lappane ganske små, elles så bare knakk dei over steikespaden. Me åt dei bare "naturell", men dei er nok gode med syltetøy på og. Det skal eigentleg være litt sukker i oppskrifta, men det droppa eg og dei var absolutt søte nok utan. 


Ein stor favoritt for min del er når sambuaren min lagar enchiladas. Då fresar han først løk og kvitløk og legg den vekk. Steikar så opp kyllingen og tilsett løken igjen saman med eit beger creme fraiche, ei ts karri og ei til to ts sambal oelek. La det putre i nokon minuttar. Varmar wraps i om lag 30 sekund før ein legg i fyll og brettar den saman. Gratiner med ost i steikeomnen ved 200 grader til osten har fått ein fin og gyllen farge. Server med ris og gjerne ein salat til. 


Snadder!! :)

Glutenfri wrap

Eit produkt som eg er svært glad for at vart lansert i vår, er Scär sin nye wrap. Dei hadde før eit produkt som likna som heiter Piadina. Piadina likna på ein wrap, men mangla eigenskapar i høve det å kunne brettas på vetig vis. Eg syns den var litt tjukk, samtidig som den var svært vanskeleg å få bretta på ein ok måte utan at den berre knakk i alle endar og baugar. Den nye ser sånn ut:


Den går greitt å brette utan å varma, men er absolutt enklast å brette til dersom den får nokre sekund i mikroen. Eg pleier å gje den 20 sekund på full effekt. Ha på det du måtte ønske, eller har i hus...


Brett til og nyt! :) Eventuelt pakk inn i aluminiumsfolie og ta med som niste. Funker fint. :)



Håpar du og har ein fin sommardag! :)

Glutenfri middagspai

For ei tid tilbake laga eg middagspai for første gang. Eg googla litt rundt etter oppskrifter på botn og fyll, og resultatet vart svært godt.

Oppskift på botnen er som følger: 75 gr smør, 180 gr mjøl, 0,5 ts salt, 3/4 dl cottage cheese, 1/4 dl rømme/kesam/kremost og 1-2 ss vatn.

Bland smør, mjøl og salt. Kna det til ei smuldrete blanding. Tilsett så resten og jobb det til ei jamn blanding med ei sleiv. Bruk hendene og trykk deigen ut i ei passande form, f.eks ei paiform på ca 24/26 cm i diameter. Prikk deigen med ein gaffel og steik på midterste rille i 10 min på 220 grader.




Til fyll kan du nytte det du likar, eller det du har i hus. Eg steikte lauk og kvitlauk, og tilsatte så kjøttdeigen. Hadde i litt tacokrydder. Steikte broccolien litt for seg sjølv. Blanda kjøttdeigen, broccoli, sukkererter og mais, tilsatte ein boks creme fraiche og gav eit kjapt oppkok. Ta fyllet oppå paibotnen.




Ost på toppen og steik i ca 30 min på 200 grader til osten vert gyllen.




Til å være første forsøk på middagspai så syns eg den var svært så vellukka. :) Server med salat og baguettar til.

Ha ein fin dag!

Glutenfri Gnocchi og glutenfrie vårrullar

Min bedre halvdel overraska meg med ein spesiell middag i går. Han hadde slått til og laga glutenfri gnocchi med laks. Dette er litt spesielt med tanke på to ting; han har ikkje cøliaki men har likavel laga potetpasta til meg frå botn av, og for det andre så likar han så absolutt ikkje laks!!! Eg har aldri smaka gnocchi før, så eg kan ikkje sei om den smakar som "vanleg" gnocchi, men det var svært godt. Kjekt med litt variasjon til den vanlege pastaen. Det er teke utgangspunkt i oppskrift på matprat.no og bare bytta ut melet med Toro lys melblanding. 

Oppskrift til to personar: 300 g mandelpotet (skal være melne poteter), 1 stk eggeplomme, 100 g mel og 1/2 ts salt. 

Kok potetene utan salt til dei er møre. Skrell og mos potetene. Bland i mel og salt. Lag ei grop i deigen og legg i eggeplomma. Kna alt saman til ein smidig deig. Rull deigen til lange pølser og skjær dei i ca. 2 cm lange bitar. Kok opp ein kjele vatn med ganske mykje salt i. Ha ca 20 biter oppi det fosskokande vatnet. Når du slepp bitane oppi vatnet vil dei synke til botn i panna. Det er viktig at du ikkje rører i vatnet, dei set seg ikkje fast i botnen. Når dei er ferdig kokt stig dei opp til overflata og du fiskar dei opp med ei fiskeause. Dersom du ikkje skal ete gnocchien med ein gong tek du dei oppi ei bolle med isvatn og kjøler dei ned. Dei må ikkje bli liggande i vatnet etter at du har kjølt dei ned, då vert dei vassne og udelikate. Dersom du skal bruke dei seinare er det bare å gje dei eit nytt oppkok eller steike dei lett i steikepanna. Me valte å gje dei eit oppkok, men kan lett sjå for meg at dei er gode steikte og. 


For nokre helgar sidan laga me glutenfrie vårrullar. Me nytta rispapir frå Blue Dragon. Til fyll brukte vi kyllingfilet, hodekål, gulrot, løk, bønnespirer og asparges. Steikte alt dette, tilsatte fiskesaus, soyasaus og sweet chilli saus. Rispapira dyppa me nokre sekund i ganske varmt vatn før me la fyllet på og rulla dei saman. Eg var litt usikker på korleis eg skulle få dei sprøe og gode. Eg forsøkte først å legge dei i langpanne og steike dei ca 10 minutt på 200 grader i steikeomnen. Det vart berre seigt. Så tok eg frityrolje i steikepanna (slik at det dekka omlag halvvegs opp på vårrullane) og steikte dei 1 minutt på kvar side. Dei vart då bedre, men ikkje skikkeleg sprø nå heller. Fyllet me laga var svært godt, så eg syns det er utruleg dumt at eg ikkje fekk dei skikkeleg sprø. Dersom nokon har god erfaring og får dei til skikkeleg sprø så håpar eg at du legg igjen ein kommentar til meg med tips. :) 


Ha ein fin kveld! :)

Testing av brød og nye middagar

Eg har testa eit par nye brødblandigar og enkle middagar siste tida. Surdeigmiks frå Finax var heilt greitt. Det er enkelt å lage, og saftig. Ikkje fantastisk, men vert nok gjerne laga igjen som ein grei variasjon i brøda. 



Toro sin pose med fiberrikt brød var og heilt greitt som variasjon i brøda. Det var skikkeleg grovt og metta godt. 


Eg syns Knorr generelt er lite flinke til å ha glutenfritt, f.eks. sausar, men denne er glutenfri. Den er heilt grei, men syns det vart litt kraftig smak av "ferdigkrydder". :)


Prior sin kalkunfilet til å sette rett i omnen var genial. Den er svært enkel då det berre er å sette den inn i omnen, men den var ganske dyr meinar eg å hugse. 


Tida går fort med ein liten knott i hus, og eg ser at det vert nok svært varierande kor ofte det kjem innlegg. Gjerne sjeldnare enn det eg i utgangspunktet hadde tenkt. :D Til helga skal me til Bergen. Kanskje det kjem eit innlegg allereie frå helga??? :)

Kjapp middag og sunn dessert!

Av og til er det kjekt å kunne ha ein kjapp (og usunn) middag. Sjølv om det er avgrensa kva som er glutenfritt av halvfabrikat, er det nokre alternativ. Coop har ganske nyleg lansert fleire glutenfrie produkt; nuggets og svinesnitzel. Den vetle blåe ringen markerer at produktet er glutenfritt. :)


Nuggetsane er i forskjellige smakar, denne med tex-med syns eg var god. Eg har berre prøvd å varme dei i steikeovnen, og syns eg må ha dei inni lenge for å få dei sprø. Svinesnitzel har eg ikkje funne dei gongane eg har vore på ein Coop, men har sett mange kommentarar frå folk som syns dei er gode.

Tilbehøyret til nuggetsane vart like enkelt som hovudretten. :) Fort og enkelt!


Nå for tida er det mykje fråtsing i frukt og grønt. Vannmelon er alltid ein slager.


Å gå forbi jordbærkorgene er ikkje alltid like enkelt! Det luktar jo sommar!!


Denne gongen hadde eg i tillegg smelta melkesjokolade som me dyppa jordbæra i. Mmmmmmm... Det må jo gå for sunt snacks sidan det er mest jordbær?? :)

Har og funne eit nytt (usunt) glutenfritt produkt frå Sætre, stratos sjoko kjeks!!


Desse syns eg var veldig gode, og kan nok erstatte kvikk lunsj på tur. Det er fem pakkar med to små kjeks-pinnar inni kvar. Vær klar over at desse kan stå i hylla med kjeks og ikkje ilag med sjokoladen. :)

- Posted using BlogPress from my iPad

Ny variant av nachos

Etter forslag frå eine tantejenta mi, har me testa ut ein litt ny variant av nachos. Vanlegvis har eg pleid å strø nachips i ei langpanne, ha på kjøttdeig med tacokrydder, eit glas med salsa og ost på toppen. Nå vart det ein ganske på annleis variant. I bunn av forma blanda eg rømme og Philadelphia. Eg brukte vel om lag ein og ein halv pakke Philadelphia og om lag ein og ein halv boks rømme.




Oppå denne blandinga hadde eg ein kjøttdeig som var steikt med tacokrydder.




Ein pakke med nachips vart stappa nedi i passande mønster. Det som ikkje gjekk oppi til slutt knuste eg lett og strødde imellom.




Toppast med ost. Helst masse! :)




Server med salat og nyt!




Dette var så absolutt ein variant som vil bli brukt fleire ganger her i huset! :)

Pølsebrød

I går var me på grilltur til Feto. Då testa eg ut noko nytt for min del: ein slags pinnebrød som eg laga før turen og berre varma då me kom fram.




Eg laga ei oppskrift på hamburgerbrød som eg har brukt til litt forskjellig før.

100 gr margarin (kjøleskapskaldt), 500 gr mjøl, 1 1/2 ss jyttemjøl, 1 pk gjær, 2 ss fiberhusk, 4dl lunka væske, 1 ss sukker og 1ts salt.

Margaring smuldres i mjølet. Ved bruk av tørrgjær, bland alt det tørre oppi mjølet (Ved fersk gjær, bland ut i lunka væske). Rør alt saman til ein jamn deig og la heve. Trill deigen ut til pølser som du klappar flate og snurrer rundt pølsene. Det er nok ein fordel å smøre ketchup på deigen før du snurrer den rundt pølsene. Pensle med egg og strø på sesamfrø. La heve litt til før du steiker dei på 200 grader i ca 20 minutt. Eg steikte dei til dei var passeleg gylne.




Eg pakka ei og ei pølse inn i aluminiumsfolie, noko som er utruleg praktisk når det er ein grill som vert nytta til mykje forskjellig. Ein slepp tanken på smitte av gluten. :) Eg syns dette var ein stor suksess, og kjem nok til å gjere dette fleire gonger. :)

- Posted using BlogPress from my iPad

Snart vår??

Det kan nesten sjå ut som det er blitt vår i stova mi!!




Kjekt med ei søster som sender blomar nedover. :-)




Me må vel vente litt på våren enda, men det nærmar seg!! Enn så lenge får me kose oss med gode middagar, gjerne med ein liten dessert etter...




Pølsegratengen ser gjerne ikkje så freistande ut, men smakar svært så godt. I denne brukte me servelatpølse som vart steikt. Kokte makaroni og laga ein kvit saus med to eggeplommer i. Blanda alt dette i ei ildfast form. Piska eggekvitene stive og la som eit lokk på toppen. Strø over ost og steik i 20-30 min på 200 grader. Dersom du vil spe på med noko sunt, kan du legge broccoli oppi forma og.




Ein annan favoritt er når sambu lagar bakt potet. Då er det kokt potet med ein saus anten med kjøttdeig eller skinke, iblanda rømme og tacokrydder.




Pastasalat er ein grei ting å lage til kveldar med vener, eller som lunsj på jobben. Då kokar eg makaroni og blandar oppi det eg har av restar, eller det eg fann i farten i grøntdisken på butikken. Denne gangen vart det skinke, sukkererter, reddik, paprika og ost (babybell). Som dressing vart det blanda chilli og kvitlauk inn i ein boks med rømme.

- Posted using BlogPress from my iPad

Pizzabakeren

Dagens middag er lettvint, frå Pizzabakeren som nett opna på Husnes. Det er allereie andre gang eg prøver dei etter dei opna, og må sei meg svært nøgd!




*kremt* Som de ser så klarte eg å få i meg ein ganske stor del av pizzaen, heilt på eiga hand (kanskje eg kan skylde på at eg skal ete for to???)... Men konklusjonen så langt er at eg syns pizzaen frå Pizzabakeren er hakket betre enn Peppes. Dei skal forresten og ha pluss for at eg overhøyrde at dei ansatte fekk beskjed om at når dei laga glutenfri pizza så måtte dei vaske seg på henda så dei var utan "smitte" av gluten. Stor pluss!!! :-D

Ha ein fortsatt fin kveld!!

- Posted using BlogPress from my iPad

Første middag på gasstopp!!

Då har eg fått laga middag for første gang på gasstoppen! Den vart ferdig kopla i dag!! :D Kjenner at det vil ta tid å bli kjent med den, men trur det blir bra med tid og stunder. Det verkar i alle fall til å være god effekt av platene! Det kokar jo opp med ein gang nesten. :-) Håpar me vert nøgd med nyvinninga. :-) 

Middagen som fekk æra av å bli den første, var noko så kjedeleg som kjøttaker i brun saus. :-) Ein god gammal klassikar, med ertestuing og tytebærsyltetøy. 

For anledninga vart Toro sin nye glutenfrie brune saus testa. Den var heilt brukande. :-) Det er utruleg kjekt å kunne ha nokon lettvinte alternativ å ty til innimellom. :-)

I dag var eg og så heldig å få ei "kopptæv" av svigermor (det vil då sei ei kjøkkenfille på min dialekt....) ;-)

Den er strikka i rein bomull og skal i dagane framover få teste kva ho dug til. 

Heimelaga hamburgerar

Det er ikkje ofte eg et hamburger lenger, og då er det som oftast på Burger King eller McDonalds. Denne gang vart det derimot laga heimelaga burgerbrød, og snekring på eige kjøkken. Det var slettes ikkje dumt!! :) Oppskrifta til hamburgerbrøda er som følgjer:


100 g margarin (kjøleskapskald), 500 g mjøl, 1 1/2 ss jyttemjøl, 1 pk (50 g) gjær, 2 ss fiberhusk, 4 dl lunka vatn, 1 ss sukker og 1 ts salt. 

Margarin smuldres i mjølet. Smuldre gjæren i ei bolle, ha i vatn og fiberhusk. La svelle. Rør sukker og salt i væska. Rør inn mjølet litt og litt. Elt deigen godt og la heve i 30 minutt. 


Trill deigen ut i passande emner. Trill til boller og trykk flate. La heve i 30 minutt. Pensle brøda og strø på sesamfrø. Steik midt i ovnen i ca 12 minutt på 250 grader. 

Prøvde for første gang å ha slottspoteter som tilbehøyr til hamburgar. Kappa poteter opp i passande bitar. Blanda forskjellige krydder i olje og hadde over. Steik på 200 grader i ca 20-30 minutt. 

Burgerane vart laga av kjøttdeig med salt og litt diverse krydder. Steik på middelshøg varme. 

Nytt det du ønskjer av tilbehøyr. Her er det berre fantasien som set grenser! :)  (Og slottspoteter er slettes ikkje dumt til hamburgar...)