Småsnadder

Det vert sjeldan mellom innlegga på bloggen for tida. Det beklagar eg, men dagane vert travle med to små. Mykje sjukdom siste tida har heller ikkje hjelpt på. Kanskje eg vert litt flinkare frametter, men ikkje hald pusten medan du ventar på innlegg :)

Siste tida har eg fått nokre tips på facebook om smårettar som har vist seg å være enkle og jysla gode! Man tar en baguett, eg bruker desse som kjem i to-pakningar. Dei er eit av få ferdige brødprodukt eg toler ganske så godt. :)

Baguett 1:
Smelt litt smør som du har oppi hakka kvitlauk. Eg brukte to små fedd, men du tek så mykje (eller lite) du vil ha. :) Skjær eit mønster i baguetten, både på langs og tvers. Dette var litt vanskeleg, men eg støtta opp rundt med aluminiumsfolie. :) Hell kvitlaukssmøret oppi spora du har laga på baguetten. Deretter skjærer du opp ost i bitar og stapper oppi. Eg tok og krydderskinke av kalkun i lag med osten. :)

Steik til osten er smelta. Trur eg steikte den i ti minutt på 200 grader. Enkelt, fort gjort og snadder!

Baguett 2:
Nesten like enkel å lage til. Skjær ut midten på baguetten, sånn at du får plass til å legge oppi fyll. Fyllet består av seks egg, ca seks ss fløyte, krydder etter ønske, håndfull eller to med ost og ca 150 g skinke. Skinke kan byttas ut med bacon, kjøttdeig eller anna ønska kjøtt eller grønnsaker. Denne mengden med fyll er nok til to av mine små baguettar og ein stor vanleg baguett til sambo. :) Steik på 175 grader i 25 minutt. Nyt!

Ha ein fin kveld :)

Glutenfri wrap

Eit produkt som eg er svært glad for at vart lansert i vår, er Scär sin nye wrap. Dei hadde før eit produkt som likna som heiter Piadina. Piadina likna på ein wrap, men mangla eigenskapar i høve det å kunne brettas på vetig vis. Eg syns den var litt tjukk, samtidig som den var svært vanskeleg å få bretta på ein ok måte utan at den berre knakk i alle endar og baugar. Den nye ser sånn ut:


Den går greitt å brette utan å varma, men er absolutt enklast å brette til dersom den får nokre sekund i mikroen. Eg pleier å gje den 20 sekund på full effekt. Ha på det du måtte ønske, eller har i hus...


Brett til og nyt! :) Eventuelt pakk inn i aluminiumsfolie og ta med som niste. Funker fint. :)



Håpar du og har ein fin sommardag! :)

Glutenfrie matmuffins

Eg testa ut ei oppskrift frå tine på matmuffins. Det er ei grunnoppskrift og forslag til forskjellige fyll på sida deira. På grunn av mangel på nokon ingrediensar vart det eit eigenkomponert fyll. :) 

Grunnoppskrift: 4 dl mel, 1/2 dl glutenfrie havregryn, 1/2 ts salt, 2 1/2 ts bakepulver, 50 g smør, 2 dl melk og 1 egg. Bland mel, havregryn, salt og bakepulver i ei bolle. Smelt smøret på svak varme, avkjøl litt før du visper inn melk og egg. Hell melkeblandinga i dei tørre ingrediensane og bland godt. Bland inn ønska fyll. Eg steikte spinat og skinka, og blanda inn fetaost. 

Eg brukte amerikanske muffinsformer, og fyllte i åtta stykk. 


Steik på 250 grader i ca femten minutt. 


Enjoy!! :)

Testing av brød og nye middagar

Eg har testa eit par nye brødblandigar og enkle middagar siste tida. Surdeigmiks frå Finax var heilt greitt. Det er enkelt å lage, og saftig. Ikkje fantastisk, men vert nok gjerne laga igjen som ein grei variasjon i brøda. 



Toro sin pose med fiberrikt brød var og heilt greitt som variasjon i brøda. Det var skikkeleg grovt og metta godt. 


Eg syns Knorr generelt er lite flinke til å ha glutenfritt, f.eks. sausar, men denne er glutenfri. Den er heilt grei, men syns det vart litt kraftig smak av "ferdigkrydder". :)


Prior sin kalkunfilet til å sette rett i omnen var genial. Den er svært enkel då det berre er å sette den inn i omnen, men den var ganske dyr meinar eg å hugse. 


Tida går fort med ein liten knott i hus, og eg ser at det vert nok svært varierande kor ofte det kjem innlegg. Gjerne sjeldnare enn det eg i utgangspunktet hadde tenkt. :D Til helga skal me til Bergen. Kanskje det kjem eit innlegg allereie frå helga??? :)

Gode glutenfrie boller

Eg har testa ut ei oppskrift på boller som mor mi fann ein gong i tida i eit vekeblad. Dei var der kalla luksusboller/fastelavensboller. Eg har brukt oppskrifta til både skulebrød og pizzasnurrar. Til pizzasnurrane bytta eg ut halvparten av mjølet med grovt mjøl. :)

125 gr smør eller margarin
5 dl mjølk
100 gr melis
1 pk gjær (eg har nytta tørrgjær)
1-2 ss fiberhusk (eg nytta pofiber i staden)
2 egg
ca 500 gr lyst mjøl (eg nytta semper)
ca 200 gr jyttemjøl
Kardemomme/pizzakrydder
(jyttemjøl til utbaking)

Kok opp smør, melis og mjølk. Avkjøl blandinga til fingervarmt. Sidan eg nytta tørrgjær blanda eg alt det tørre i kjøkkenmaskina og tilsette det våte. Dersom du skal lage skulebrød kan du godt tilsette kardemomme, men dersom du skal lage pizzasnurrar kan du godt ha litt pizzakrydder i deigen. La deigen heve på ein lun plass i omlag 40 minutt. 

Dersom du skal lage skulebrød lagar du boller som du set til heving i 20-30 minutt. Pensle bollane med egg. Lag groper i bollene som du fyller med vaniljekrem. Dersom du skal lage pizzasnurrar deler du deigen i to emner som du kjevler ut til rektangel. Fyll dei med det du ønskjer og trill dei saman. Eg fylte mine med pesto, skinke og ost. Skjær pølsene opp i passande bitar som du set til heving i omlag 20-30 minutt. Steikast i omlag 15-20 minutt på  220 grader. 

Eg gløymde å ta bilde av dei bollane eg lagde til med melis og kokos (dei gjekk litt fort ned kan du sei). Både eg og sambuar (som ikkje har cøliaki) syns bollene var veldig gode. Eit par boller vart liggande oppe, men ikkje ete før eit par dagar etterpå. Eg syns desse og var ganske saftige til å være glutenfrie, men då var ikkje sambuar lenger einig med meg. :)

Pizzasnurrane vart og veldig gode!  

Glutenfritt brød frå Norgesbakeriet

Eg har testa ut det glutenfrie havrebrødet frå Norgesbakeriet, og vart gledeleg overraska. :)




Brødet var ganske saftig til å være eit kjøpebrød, og hadde ein mild og grei smak. Meiner det kosta 39 kr, så ikkje så alt for ille pris heller, :)




Brødet er til sal på den lokale Rimi butikken!! Eg forsøkte å spørje om brødet vert levert ferskt, eller om det er fryst og tint i butikken. Det visste ikkje ho som var på jobb. Eg får prøve å hugse å spørje dei neste gong eg er innom. :)


- Posted using BlogPress from my iPad

Pølsebrød

I går var me på grilltur til Feto. Då testa eg ut noko nytt for min del: ein slags pinnebrød som eg laga før turen og berre varma då me kom fram.




Eg laga ei oppskrift på hamburgerbrød som eg har brukt til litt forskjellig før.

100 gr margarin (kjøleskapskaldt), 500 gr mjøl, 1 1/2 ss jyttemjøl, 1 pk gjær, 2 ss fiberhusk, 4dl lunka væske, 1 ss sukker og 1ts salt.

Margaring smuldres i mjølet. Ved bruk av tørrgjær, bland alt det tørre oppi mjølet (Ved fersk gjær, bland ut i lunka væske). Rør alt saman til ein jamn deig og la heve. Trill deigen ut til pølser som du klappar flate og snurrer rundt pølsene. Det er nok ein fordel å smøre ketchup på deigen før du snurrer den rundt pølsene. Pensle med egg og strø på sesamfrø. La heve litt til før du steiker dei på 200 grader i ca 20 minutt. Eg steikte dei til dei var passeleg gylne.




Eg pakka ei og ei pølse inn i aluminiumsfolie, noko som er utruleg praktisk når det er ein grill som vert nytta til mykje forskjellig. Ein slepp tanken på smitte av gluten. :) Eg syns dette var ein stor suksess, og kjem nok til å gjere dette fleire gonger. :)

- Posted using BlogPress from my iPad

Ambrosiabrød og ostesmørbrød

I kveld har eg starta på julebaksten for i år, ambrosiabrød! 

Oppskrifta finn du her. 

Er litt seint ute kan du sei. :) Det har vore litt for travelt til at det har blitt baking av småkaker eller laging av snop enda. Til helga er det planar om å få bake lefser av forskjellig slag. Håpar nordlandskakene vert meir vellukka i år enn i fjor. 

Utanom ambrosiabrød vart det laga ostesmørbrød til kvelds. Det er kanskje ein litt spesiell måte å lage dei til på, så eg tenkte eg kunne dele og kanskje gje litt inspirasjon til alternative måtar å lage ostesmørbrød på. :) Du tek to ganske tynne skiver med brød. Smør på passeleg mengde med ketchup og sennep. Legg ost på begge sidene, og skinke av ein eller annan sort i mellom. Legg dette saman til eit stoooort ostesmørbrød. Kakk to egg i ein djup tallerk. Visp dei lett saman og ha i litt salt og pepper. Legg smørbrødet oppi og la det ligge eit minutt, før du snur det. 

Steik smørbrødet på middels til låg varme slik at osten fått smelte, og det er fin fagre utanpå. Eg var litt for utolmodig, og hadde for høg varme. All osten var dermed ikkje smelta inni, og dette er slikt som for meg øydelegg ein del av smaken... 

Dette er ein alt for mektig kvelds, og eg kjenner at eg nesten angrar. Men berre nesten!! :) 

Heimelaga hamburgerar

Det er ikkje ofte eg et hamburger lenger, og då er det som oftast på Burger King eller McDonalds. Denne gang vart det derimot laga heimelaga burgerbrød, og snekring på eige kjøkken. Det var slettes ikkje dumt!! :) Oppskrifta til hamburgerbrøda er som følgjer:


100 g margarin (kjøleskapskald), 500 g mjøl, 1 1/2 ss jyttemjøl, 1 pk (50 g) gjær, 2 ss fiberhusk, 4 dl lunka vatn, 1 ss sukker og 1 ts salt. 

Margarin smuldres i mjølet. Smuldre gjæren i ei bolle, ha i vatn og fiberhusk. La svelle. Rør sukker og salt i væska. Rør inn mjølet litt og litt. Elt deigen godt og la heve i 30 minutt. 


Trill deigen ut i passande emner. Trill til boller og trykk flate. La heve i 30 minutt. Pensle brøda og strø på sesamfrø. Steik midt i ovnen i ca 12 minutt på 250 grader. 

Prøvde for første gang å ha slottspoteter som tilbehøyr til hamburgar. Kappa poteter opp i passande bitar. Blanda forskjellige krydder i olje og hadde over. Steik på 200 grader i ca 20-30 minutt. 

Burgerane vart laga av kjøttdeig med salt og litt diverse krydder. Steik på middelshøg varme. 

Nytt det du ønskjer av tilbehøyr. Her er det berre fantasien som set grenser! :)  (Og slottspoteter er slettes ikkje dumt til hamburgar...)

Glutenfritt lavkarbobrød

Eg har i ein periode forsøkt å ete mest mogleg uten kveitestivelse for å sjå om det kan føre til ei betring for magen min. Eg fann til slutt ut at eit brød basert på ei oppskrift på eit lavkarbo brød, var eit ganske godt alternativ. Denne oppskrifta her er ikkje heilt lavkarbo, då må du bytte ut sukker med splenda osv. 


Bland først ein base som består av 1 beger cottage cheese, 5 egg og ca 1/2 dl olje. Kjør det glatt med ein stavmiksar. Bland så sammen det tørre: 3 ts bakepulver, 3 ts sukker, 2 ts salt, 2 ts fiberhusk, 2 ts mandelmel, 30 gr pofiber, 30 gr sukkerroefiber, 4 ss jyttemel, 40 gr linfrø, 40 gr hakka valnøtter, 40 gr solsikkefrø og 40 gr sesamfrø. Rør alt saman. Ha oppi ei form kledd med bakepapir. 


Det er ein litt omfattande steikeprosess, men det er verdt jobben for smaken sin del! Steik brødet først 25 min på 180 grader. Steik det så i 40 minutt på 150 grader. Ta brødet ut av ovnen, ta det ut av forma og fjern bakepapiret. Legg brødet på rist og steik i 20 minutt på 180 grader. 

Som sagt var brødet så absoultt eit godt alternativ, og anbefalast til utprøving! 

Fastelavns-boller med eigen vri

Då var fastelavn passert, og fasten nærmer seg styggeleg... Fastelavn er sju veker før påska og markerer starten på fasten. (For dei som driv med sånt...) Fastelavn vert markert på forskjellig vis rundt om i verda, her heime er det mest vanleg med boller, bjørkeris og karnevalskledde ungar. Eit anna namn på fastelavn er fleskesøndag, sidan skikken var å feite seg opp før fasten. Dagen etter kalles fleskemåndag, eller blåmåndag!! Etterfølgande tysdag vert kalla feitetysdag, eller kanskje meir kjent: Mardi Gras. Mardi Gras markerer slutten på karnevalstida, og onsdagen etter innleder fasten. Har då og det noko meir nøkterne kallenamnet askeonsdag. 


Det har nok blitt bakt mange boller og piska nokre liter krem i dei norske heimar i helga. Eg har og laga boller, men med ein litt annan vri enn den klassiske "fastelavn - bolla". 


Oppskrift:
100 g smør, 500 g mel, 1 1/2 ss jyttemel, 1 pk gjær, 2 ss fiberhusk, 4 1/2 dl vatn,  2 ss sukker, 1 ts salt og 1 ts kardemomme. 


Smøret smuldres i melet. Eg nytta tørrgjær i dag og hadde difor alt det tørre i ei bolle, tilsatte så vatnet og jobba alt saman til ein jamn deig. La heve i 30 minutt. Kna deigen godt saman. Del i emner og form til ønska boller. Eg klappa dei flate og fylte dei med marsipan, sjokolade og nøtter. La heve 15-30 minutt og steik i 12 minutt på 250 grader.

Bollane vart svært gode og kan absolutt anbefalast. Oppskrifta er eigentleg til hamburgerbrød, difor lite sukker. Ut frå denne deigen kan ein lage alt mogleg: pinnebrød, hamburgerbrød, boller, pitabrød osv osv... Det er berre å ta vekk krydder eller tilsette meir sukker for søte boller. 

Pizzasnurrar

Eg har testa ut eit (for meg nytt og ukjent) fyll til pizzasnurrar: Pesto, tomat, chilli, spekepølse, ost og purreløk. Eg nytta oppskrifta som eg har til tjukk pizzabotn som ser slik ut: 


1 pk gjær, 2 ss fiberhusk, 5 dl vatn, 3 ss olje, 1 ts salt, 2 dl jyttemel og 6 dl mel (Eg pleier ofte blande både grovt og fint mel). Bland gjæren ut i lunkent vatn og ha i fiberhusk. Bland i det tørre og la heve før du kjevler den ut til eit rektangel. 


Smør pesto utover 2/3 av botnen. Legg på hakka tomater, finhakka chilli, finhakka purre, oppkutta spekepølse og ost. Ikkje gjer som meg og skjær tomatene i skiver!! Ikkje lett å rulle det fint saman då!! :) Rull det saman og skjær i skiver som er omlag 2 cm tjukke. Få dei over på steikeplate utan at alt hamnar på golvet på vegen. Dersom du lukkast med dette, steiker du dei omlag 20 minutt på 200 grader. 

Dei fekk kanskje ein litt "snodig" grønnfarge av pestoen, men dei smakte faktisk ganske godt!

Muslibrød og bagetter

Ser at det blir svært så varierande kor ofte det vert innlegg på bloggen min. I dag har eg i alle fall tenkt å legge ut to oppskrifter som eg har testa dei siste dagane. 

Muslibrød

1/2 dl Pofiber
1 dl vatn


1/2 pk gjær
5 1/2 dl melk eller vatn
1 ts fiberhusk
3 ss olje


360 g schär melmiks C
250 g jyttemel
2 dl musli
1/2 dl sesamfrø
1 ts salt. 


Lunk væska på svak varme og løys opp gjær i den. Ha i fiberhusk. Ha dette og olje opp i eltemaskina. Pofiber får svelle i lunkent vatn og has i. Tilsett alt det tørre og elt i ca fem minutt. Legg plast eller håndkle over og la deigen heve i ca 30 minutt. 
Elt deigen kort saman og ha den over i godt smurt form. La heve ca 30 minutt før steiking. Steik i ca 45-50 minutt på 190 grader. 

Eg hadde ikkje schär melmiks så eg nytta litt forskjellig som eg hadde i skapet, einaste kriteriet var at det skulle være utan kveitestivelse. Eg syns brøda utan stivelse vert veldi tunge og lite gode på smak. Det er nok dessverre min konklusjon på dette brødet og. 

Bagett

3 dl lunkent vatn, 1/2 pk gjær, 2 ts fiberhusk, 2 ts pofiber, 1 ts salt og 400-450 g Semper med fiber. 


Løys gjæren opp i lunken væske. Ha i pofiber, fiberhusk og salt. Tilsett mel og elt røra godt saman. La deigen heve om lag 30 minutt. Elt deigen godt saman igjen. Bruk så lite mel som mogleg i utbakinga. Form bagettane slik du vil: på øverste bildet har eg laga dei avlange, på nederste runde. La dei heve om lag 30 minutt. Steik midt i ovnen, 230 grader i ca 20 minutt. 

Bagettane syns eg vart svært gode, kan absolutt anbefalast! 

Potetmelstoppar og ambrosiabrød

Då er jula komen for i år, på rettmessig vis med Grevinnen og Hovmesteren! Lika fantastisk år etter år. "Same procedure as last year miss Sophie?".  Då e me klar for jula!!

Eg har ein plan om å få legge ut oppskrifter på julekakene eg har laga i år jamt og trutt frametter.

Glutenfrie potetmelstoppar:

Du treng: 250 gr smør, 250 gr sukker, 1 egg, 500 gr potetmel, 125 gr mel, 4 ts vaniljesukker og 1 ts bakepulver. Rør smør og sukker kvit. Deigen knas saman. Den vert ganske tung, så eg pleier sleppe den ut på benken og kna den saman for hånd. Trill ut til små kuler som du trykker ganske flate med ein gaffel. Kulene veks i omnen, så pass på å lage dei ganske små! Steik dei ved 180 grader i omlag ti minutt. Du skal kunne sjå at dei er blitt gylne under. Vær forsiktig då dei er porøse, men få dei over på rist til avkjøling.

Ambrosiabrød/julebrød

Du treng: 5 dl melk, 125 gr margarin, 2 dl (brunt) sukker, 200 gr rosin, 1 pk gjær, 2 ss fiberhusk, 2 egg, 500 gr semper miks, 100 gr jyttemel. Dersom du vil, kan du ha i sukat. Kok opp melk, margarin, sukker og rosiner, avkjøl. Rør ut gjæren i melka, pisk så inn fiberhusk. La stå medan du måler opp mel. Pisk egga lett saman. Alt eltes godt saman. Hev til dobbel størrelse. Du kan velje om du vil ha dei i vanlege brødformer, eller lage dei som runde brød. Etterhev og pensle med egg. Steik ved 200 grader i ca 20 minutt.  

Ha ein fortsatt flott vetle julafta!!

Brød uten hvetestivelse og pølsebrød

Eg har funne ut at eg vil prøve å holde meg på brødmat utan hvetestivelse. Kjenner at eg er noko skeptisk, då brødet eg lagde i dag ikkje ser ut til å bli like luftig og bra som det vanlege. Kanskje eg må minke mengd mel i forhold til det "vanlege" melet?? 

Til pølsebrøda har eg brukt ei oppskrift på innbakte pølser.

4 1/2 dl lunka vatn, 1 pk gjær, 2 ss fiberhusk, 100 g smør, 8 1/2 dl mel, 1 toppa ss jyttemel eller rismel og 1 ss sukker. 


Smuldre smør i melet og tilsett sukker. Bland gjæren ut i lunka vatn og tilsett fiberhusk. La det svelle i nokre minutt. Bland deigen og hev den i om lag ein time. Del deigen i 10 deler og trill dei ut til fingertjukke pølser som du trykker litt flate. La heve 15-20 minutt. Steik på 225 grader i ca 15 minutt. For ekstra smak og lekker utsjånad: pensle med egg og rull i sesamfrø.