Glutenfritt på reise

Før var det ei stor utfordring å reise nokon plass, og å ha cøliaki. Eg anar ikkje kor mange pølser utan brød eg har ete opp gjennom åra mine med cøliaki, kor mange tørre brødprodukt eg har fått servert og kor mange svette nistepakkar eg har ete med laaaange blikk på det dei andre kan ete. Den siste tida nå har eg vore både på Haukeland sjukehus og til Haugesund i forskjellige ærend. Eg har nå fått nokon nye erfaringar eg har lyst å dele med dykk :) 

På Haukeland har eg hatt ei ganske dårleg erfaring tidlegare. Eg huskar ikkje akkurat når, men det er nok byrja å bli ein del år sidan. Eg huskar at det rundstykket eg då fekk servert var så tørt at eg faktisk gjekk og bedde dei om å smake på det sjølv. Denne gongen derimot vart eg svært så positivt overraska. Eg kjøpte meg ein smørbrød som både såg innbyande ut og som smaka godt! 

På Amanda storsenter i Haugesund har Joe&Juice opna eit utsal. Dei har glutenfrie baguettar som er svært gode! Eg har testa dei eit par gonger og har fått svært godt inntrykk av deira handtering av glutenfri mat. Dei hadde gode rutinar og eg følte meg svært trygg på at baguetten eg fekk var glutenfri. 

Det er blitt veldig mykje enklare å ta ein liten stopp på bensinstasjonane og nå. Svært mange har glutenfrie pølsebrød og hamburgerbrød, samt panini. Alle desse tinga er singel-pakka og eg opplever som oftest at det er gode rutinar rundt handteringa av dei glutenfrie produkta. 

Det er jo til og med gode tilbod på Ikea. Dei siste gongane eg har vore der har eg plukka ein svært så godkjent frukost :) I tillegg har dei laga til smørbrøda sine slik at du tek eit fat med pålegg, så finn du deg brød i etterkant og danderer sjølv smørbrødet. Fantastisk måte å gjere det på!

Syns det er kjekt å sjå utviklinga som har vore berre på dei få åra eg har hatt diagnosa. Det vert spanande å sjå kva åra som kjem bringer. 

Sandwich-is

Etter tips frå ei Facebook-side har eg i dag forsøkt å lage noko som tilsvarar den kjære sandwich-isen. Den har vore djupt sakna sidan eg fekk diagnosa.


For å lage denne herlegheita tek du ein pose Toro sjokoladelangpanne, og føl oppskrifta på pakken. Fyr så i gong vaffeljernet og steik i veg! Dette var snadder!! Vaflene som vart til overs skal rett i frysen, og eg kan kjapt lage meg sandwich-is igjen! :)

"Påleggsvafler"

Påleggsvafler har blitt ein ganske stor "hit" i huset her. Både som kvelds til små...




Og som lunsj til dei litt større 😉 Burde vel eigentleg ha "pimpa" opp bildet med mykje meir spennande pålegg, men det er nå ein gong sånn lunsjen min ser ut 😂 Eg har brukt oppskrifta til Linda Stuhaug
Men eg brukar vanleg sukker og ikkje sukrin.




Enjoy! 😊

Pølsegrateng

Dagane forsvinn i ein sus og dus med å lage middag, rydde hus og aktivisere to små. 😅 Då er det veldig greitt å ha ein komfyr som kan starte å stoppe etter kva tidspunkt eg stiller inn 👏 Då kan pølsegratengen gjerast klar, ovnen stillast inn og eg kan kjøre til barnehagen og komme heim til ferdig middag 😀

Pølsegratengen er veldig enkel. Kok pasta, lag kvit saus (Toro sin ferdige pose) og steik pølsene. Bland alt saman og topp med ost og bacon.




Sett forma inn i ovnen på 200 grader til osten har smelta.




Denne forma er ein stor suksess hos både store og små her i huset 😊

Småsnadder

Det vert sjeldan mellom innlegga på bloggen for tida. Det beklagar eg, men dagane vert travle med to små. Mykje sjukdom siste tida har heller ikkje hjelpt på. Kanskje eg vert litt flinkare frametter, men ikkje hald pusten medan du ventar på innlegg :)

Siste tida har eg fått nokre tips på facebook om smårettar som har vist seg å være enkle og jysla gode! Man tar en baguett, eg bruker desse som kjem i to-pakningar. Dei er eit av få ferdige brødprodukt eg toler ganske så godt. :)

Baguett 1:
Smelt litt smør som du har oppi hakka kvitlauk. Eg brukte to små fedd, men du tek så mykje (eller lite) du vil ha. :) Skjær eit mønster i baguetten, både på langs og tvers. Dette var litt vanskeleg, men eg støtta opp rundt med aluminiumsfolie. :) Hell kvitlaukssmøret oppi spora du har laga på baguetten. Deretter skjærer du opp ost i bitar og stapper oppi. Eg tok og krydderskinke av kalkun i lag med osten. :)

Steik til osten er smelta. Trur eg steikte den i ti minutt på 200 grader. Enkelt, fort gjort og snadder!

Baguett 2:
Nesten like enkel å lage til. Skjær ut midten på baguetten, sånn at du får plass til å legge oppi fyll. Fyllet består av seks egg, ca seks ss fløyte, krydder etter ønske, håndfull eller to med ost og ca 150 g skinke. Skinke kan byttas ut med bacon, kjøttdeig eller anna ønska kjøtt eller grønnsaker. Denne mengden med fyll er nok til to av mine små baguettar og ein stor vanleg baguett til sambo. :) Steik på 175 grader i 25 minutt. Nyt!

Ha ein fin kveld :)

Glutenfri matmuffins

Eg har prøvd litt forskjellige oppskrifter på matmuffins, men kjenner at det vert ikkje nokon innertiar for min del. Smaken er god, men det er noko med konsistensen som vert feil. Sikkert det at det heiter muffins, men har ein heilt annan konsistens enn vanlege kakemuffins... ;)

Oppskrifta er som følger: 2 dl havremel (kjør glutenfri havre i stavmiksar), 2 dl glutenfritt mel, 2 ts bakepulver, 1/2 ts salt, 2 ts pizzakrydder, 2 egg, 200 gr gresk matyoghurt, 2 dl melk og 30 gr smelta smør.

Bland dei tørre ingrediensane for seg, og dei "våte" for seg. Bland dei deretter saman. Vend inn ønska fyll. Eg syns røra verka svært tynn når eg blanda ho saman, men det kom seg medan eg laga fyllet. Eg brukte spinat, bogskinke og fetaost. Freste 200 gr spinat og lot kjøle seg ned. Freste og 200 gr bogskinke og lot kjøle seg ned. Blanda spinat og bogskinke med 100 gr fetaost.


Tok røra over i store muffinsformer. Eg fekk 10 stykk. Steik midt i ovnen i 20-30 minutt på 200 grader.


Smaken vart som sagt svært god, og kan såleis anbefalast!

Bananlappar og enchiladas

Eg har ein gut som slettes ikkje er vanskeleg i matvegen, men han har faktisk nokre favorittar og den eine er bananlappar. Det høyrdes eigentleg litt småleg ekkelt ut syns eg, men tenkte eg skulle gje det eit forsøk sidan det var ei lettvint og sunn røre. Du tar ei banan, to egg og ein "dæsj" (1/2 - 1 dl) havregryn og kjør det med ein miksmaster. 


Eg lot røra stå nokre minutt før eg steikte dei på steikepanna med litt smør. Eg fann fort ut at det var ein fordel å steike lappane ganske små, elles så bare knakk dei over steikespaden. Me åt dei bare "naturell", men dei er nok gode med syltetøy på og. Det skal eigentleg være litt sukker i oppskrifta, men det droppa eg og dei var absolutt søte nok utan. 


Ein stor favoritt for min del er når sambuaren min lagar enchiladas. Då fresar han først løk og kvitløk og legg den vekk. Steikar så opp kyllingen og tilsett løken igjen saman med eit beger creme fraiche, ei ts karri og ei til to ts sambal oelek. La det putre i nokon minuttar. Varmar wraps i om lag 30 sekund før ein legg i fyll og brettar den saman. Gratiner med ost i steikeomnen ved 200 grader til osten har fått ein fin og gyllen farge. Server med ris og gjerne ein salat til. 


Snadder!! :)

Glutenfri wrap

Eit produkt som eg er svært glad for at vart lansert i vår, er Scär sin nye wrap. Dei hadde før eit produkt som likna som heiter Piadina. Piadina likna på ein wrap, men mangla eigenskapar i høve det å kunne brettas på vetig vis. Eg syns den var litt tjukk, samtidig som den var svært vanskeleg å få bretta på ein ok måte utan at den berre knakk i alle endar og baugar. Den nye ser sånn ut:


Den går greitt å brette utan å varma, men er absolutt enklast å brette til dersom den får nokre sekund i mikroen. Eg pleier å gje den 20 sekund på full effekt. Ha på det du måtte ønske, eller har i hus...


Brett til og nyt! :) Eventuelt pakk inn i aluminiumsfolie og ta med som niste. Funker fint. :)



Håpar du og har ein fin sommardag! :)

Glutenfri middagspai

For ei tid tilbake laga eg middagspai for første gang. Eg googla litt rundt etter oppskrifter på botn og fyll, og resultatet vart svært godt.

Oppskift på botnen er som følger: 75 gr smør, 180 gr mjøl, 0,5 ts salt, 3/4 dl cottage cheese, 1/4 dl rømme/kesam/kremost og 1-2 ss vatn.

Bland smør, mjøl og salt. Kna det til ei smuldrete blanding. Tilsett så resten og jobb det til ei jamn blanding med ei sleiv. Bruk hendene og trykk deigen ut i ei passande form, f.eks ei paiform på ca 24/26 cm i diameter. Prikk deigen med ein gaffel og steik på midterste rille i 10 min på 220 grader.




Til fyll kan du nytte det du likar, eller det du har i hus. Eg steikte lauk og kvitlauk, og tilsatte så kjøttdeigen. Hadde i litt tacokrydder. Steikte broccolien litt for seg sjølv. Blanda kjøttdeigen, broccoli, sukkererter og mais, tilsatte ein boks creme fraiche og gav eit kjapt oppkok. Ta fyllet oppå paibotnen.




Ost på toppen og steik i ca 30 min på 200 grader til osten vert gyllen.




Til å være første forsøk på middagspai så syns eg den var svært så vellukka. :) Server med salat og baguettar til.

Ha ein fin dag!

Osteiskake

Til valentines (er litt sein av meg til å få blogginnlegga ut...) fekk min kjære ei osteiskake. Oppskrifta har eg fått av ei venninne som anbefala den på det varmaste. 

Oppskrifta er som følgjer: 200 gr philadelphia, 3 eggeplommer, 2 dl sukker, 3 dl kremfløte, 1 ts vaniljesukker og digestive kjeks. I originaloppskrifta er det nytta 8-10 vanlege digestive kjeks. Eg valte å lage botnen med glutenfrie "oreo-kjeks", så eg veit ikkje kor mange glutenfrie digestive kjeks det vil tilsvare. Eg brukte ein pakke med glutenfrie "oreo-kjeks". 

Smør ei 24/26 form (som de ser nytta eg ei hjarteform). Knus nesten alle kjeksa og ha i botnen av forma (eg hadde dei i ein liten plastpose og knuste dei med botnen på eit glas). Pisk saman ost, eggeplomme, sukker og vaniljesukker. Pisk kremfløyten stiv og bland den forsiktig saman med ostekremen. Hell røra forsiktig over kjeksa. Knus nokre kjeks (bare knekk dei mellom fingrane, mine vart for fint most) og strø på toppen. Eg pynta i tillegg med melkehjarter, men det er ikkje å anbefala. Når dei har vore frosne mistar dei omtrent all smak. Sett kaka i frysen i 8-10 timar. Kaka bør takast ut av frysen omlag ein halv time før servering. 

Kaka var god på smak, men eg må nok prøve å lage den med digestive kjeks for å sjå korleis den eigentleg skal være. :) Eg vil nok og smelte smør og blande i lag med kjeksa neste gong, då botnen vart svært smuldrete. 

Glutenfri Gnocchi og glutenfrie vårrullar

Min bedre halvdel overraska meg med ein spesiell middag i går. Han hadde slått til og laga glutenfri gnocchi med laks. Dette er litt spesielt med tanke på to ting; han har ikkje cøliaki men har likavel laga potetpasta til meg frå botn av, og for det andre så likar han så absolutt ikkje laks!!! Eg har aldri smaka gnocchi før, så eg kan ikkje sei om den smakar som "vanleg" gnocchi, men det var svært godt. Kjekt med litt variasjon til den vanlege pastaen. Det er teke utgangspunkt i oppskrift på matprat.no og bare bytta ut melet med Toro lys melblanding. 

Oppskrift til to personar: 300 g mandelpotet (skal være melne poteter), 1 stk eggeplomme, 100 g mel og 1/2 ts salt. 

Kok potetene utan salt til dei er møre. Skrell og mos potetene. Bland i mel og salt. Lag ei grop i deigen og legg i eggeplomma. Kna alt saman til ein smidig deig. Rull deigen til lange pølser og skjær dei i ca. 2 cm lange bitar. Kok opp ein kjele vatn med ganske mykje salt i. Ha ca 20 biter oppi det fosskokande vatnet. Når du slepp bitane oppi vatnet vil dei synke til botn i panna. Det er viktig at du ikkje rører i vatnet, dei set seg ikkje fast i botnen. Når dei er ferdig kokt stig dei opp til overflata og du fiskar dei opp med ei fiskeause. Dersom du ikkje skal ete gnocchien med ein gong tek du dei oppi ei bolle med isvatn og kjøler dei ned. Dei må ikkje bli liggande i vatnet etter at du har kjølt dei ned, då vert dei vassne og udelikate. Dersom du skal bruke dei seinare er det bare å gje dei eit nytt oppkok eller steike dei lett i steikepanna. Me valte å gje dei eit oppkok, men kan lett sjå for meg at dei er gode steikte og. 


For nokre helgar sidan laga me glutenfrie vårrullar. Me nytta rispapir frå Blue Dragon. Til fyll brukte vi kyllingfilet, hodekål, gulrot, løk, bønnespirer og asparges. Steikte alt dette, tilsatte fiskesaus, soyasaus og sweet chilli saus. Rispapira dyppa me nokre sekund i ganske varmt vatn før me la fyllet på og rulla dei saman. Eg var litt usikker på korleis eg skulle få dei sprøe og gode. Eg forsøkte først å legge dei i langpanne og steike dei ca 10 minutt på 200 grader i steikeomnen. Det vart berre seigt. Så tok eg frityrolje i steikepanna (slik at det dekka omlag halvvegs opp på vårrullane) og steikte dei 1 minutt på kvar side. Dei vart då bedre, men ikkje skikkeleg sprø nå heller. Fyllet me laga var svært godt, så eg syns det er utruleg dumt at eg ikkje fekk dei skikkeleg sprø. Dersom nokon har god erfaring og får dei til skikkeleg sprø så håpar eg at du legg igjen ein kommentar til meg med tips. :) 


Ha ein fin kveld! :)

Glutenfrie matmuffins

Eg testa ut ei oppskrift frå tine på matmuffins. Det er ei grunnoppskrift og forslag til forskjellige fyll på sida deira. På grunn av mangel på nokon ingrediensar vart det eit eigenkomponert fyll. :) 

Grunnoppskrift: 4 dl mel, 1/2 dl glutenfrie havregryn, 1/2 ts salt, 2 1/2 ts bakepulver, 50 g smør, 2 dl melk og 1 egg. Bland mel, havregryn, salt og bakepulver i ei bolle. Smelt smøret på svak varme, avkjøl litt før du visper inn melk og egg. Hell melkeblandinga i dei tørre ingrediensane og bland godt. Bland inn ønska fyll. Eg steikte spinat og skinka, og blanda inn fetaost. 

Eg brukte amerikanske muffinsformer, og fyllte i åtta stykk. 


Steik på 250 grader i ca femten minutt. 


Enjoy!! :)

Oppsummering av ferien på Lanzarote

Då har me hatt to veker på Lanzarote, med ganske så jamt over grått, vått og vindfullt vær. Me har ikkje hatt ein full solskinnsdag på fjorten dagar! Men me hadde bedre vær enn det var heime, så sånn sett klagar me ikkje. :) Me testa ut litt forskjellige restaurantar medan me var der, og eg skal forsøke å gje ei lita oppsummering. 

Første kvelden var me nede i hamna i gamlebyen på ein restaurant som heiter La Sirena. Det var svært god service og kjekt personal. Eg hadde ein paella, men vart dessverre noko skuffa. Den lukta mykje meir krydra enn det den var. Eg syns den vart litt tam. 

Eg hadde i forkant av reisa lasta ned appen til TripAdvisor og sjekka om det var nokon restaurantar som vart anbefala for oss med cøliaki. Blant anna vart Indisk Aroma nemnd. Den ligg i hovudgata. Me forsøkte ein mixed-grill som hadde litt av kvart. Den er absolutt å anbefale, samt at dei verka til å ha god kontroll på glutenfritt. Me var og innom der ein kveld og henta med oss take away og fekk då beskjed om at dei laga all maten glutenfri - utanom naan brøda. 


La Casa del Parmigiano var og nemnd i TripAdvisor. Den ligg heilt i enden der hovudgata startar/endar. Dei har eigen glutenfri meny med både pasta og pizza. Eg tenkte eg skulle være litt vågal og prøve ein pizza med egg og bacon på. Lite ana eg at egget var kakka oppå, rått!!!! Eg sklei egget diskre av og åt omlag halvparten, men det baud meg eigentleg kraftig imot!


Sjølv om me ikkje hadde det heilt store været, måtte me ha oss ein ispause ein dag. Det var ein liten som jobba iherdig for å få tak i mamma og pappa sin is!! :)


La Cascada Grill i gamlebyen oppdaga eg hadde merka i menyen sin "anbefalt som glutenfri rett". Dei hadde forskjellig på menyen, men ikkje pizza og pasta. Eg prøvde meg på ein dagens som var ein kylling rullade med bacon inni. Eg vart litt overraska når det vart servert med brun saus og dampa/kokt kål til, men det smaka godt. 


Siste dagen vår var me på restauranten Playa Mar i hovudgata. Det prøvde eg ein kyllingrett med bacon, kaktus og geitost oppå ein kyllingfilet. Det var svært godt! Absolutt ein restaurant som er verdt eit besøk. 

Det som er litt stas når du reiser vekk, er at plutseleg så kan du oppdage nokre "norske vatnhol". I Puerto del Carmen finn du Vikinghuset som er drive av norske Rita og mannen hennar. Dei har nokre svært så norske rettar, som kjøttkaker, men og tradisjonell tapas. Dei har eigen glutenfri meny, og eg nytta høvet til å prøve ein tallerk med tapas. 


Eg hadde på førehand fått med meg at Rita kan skaffe glutenfritt brød, og ho skaffa meg to stykk. :) Eg er litt usikker på om det kan være surdeigsbrød? Dei var ganske så grove og kompakte, men eg syns det er ganske greitt når alternativet er å berre ete loff. 5 € stykket, så ganske lik pris som heime. 

Eg testa ut eit for meg ukjent glutenfritt brød som eg fann på ein spar-butikk. Eg syns det hadde eit ganske så nusseleg namn, men det var ikkje mykje å skryte over. Ein litt tørr loff med ein noko snodig ettersmak. 


Dei første gongene me var innom denne Spar-butikken (på biosfera senteret), så hadde dei berre brødet frå Bimbo. Omlag halvvegs ut i ferien var det tydeleg at butikken hadde fått påfyll av varer. 


Dei hadde då fått inn dei grove baguettane til Shcär, samt nokon lange lyse baguettar eg ikkje har sett heime. Med påfyll i hyllene vart utvalet betrakteleg betre! :) Dei er ganske så flinke med merking av gluten i Spania. Fann merking både på cola og juice. :D


Siste kvelden tusla eg og min kjære eit godt stykke bortover hovudgata og kom til ein kombinert matbutikk og kafe; DosMil. Eg spurte med lite håp om dei hadde noko glutenfritt i kafeen, og stor vart overraskinga då eg vart vist bort i hjørna i disken kvar det sto tre forskjellige kakestykker. Det såg ut til at to av dei var sukkerbrød med forskjellig frukt oppå, medan det siste var litt meir udefinerbart. Eg konkluderte med at det var nok ei slags mandelkake med krem i. Det vart litt mektig etterkvart som eg jobba meg gjennom stykket. 

Ei anna kjekk oppleving var at dei på Flesland nå har fått inn glutenfri panini på Narvesen. Eg kunne gå inn og få meg noko anna enn pølse utan brød!! Det var vel ikkje heilt den store gourmet-opplevinga, men det var heilt greitt og magen reagerte ikkje på den. Oppsummert: svært nøgd! :D  

Restaurant Casa Cabana på Lanzarote

Akkurat nå er eg og familien på Lanzarote, i Puerto del Carmen. I går var me på ein restaurant som heiter Casa Cabana i gamlebyen. Dei har merka kva rettar ein kan få glutenfrie og/eller laktosefrie, noko som var svært mange. Dei har og glutenfri pasta.

Då me hadde bestilt kom dei med ei skål brød til min bedre halvdel, med beskjed om at dei øyeblikk kom med brød til meg og. Eg fekk rett etterpå ein varm og god liten baguett. På tida det tok meg å dele baguetten og ete eine halvdelen så var forretten komen på bordet. Eg prøvde ein salat med fetaost, pære og valnøtter. Kjempegod! Den bedre halvdelen min prøvde noko som het "potato nachos", som var ei skål med friterte potetskiver, toppa med chillibønner, salsa, rømme og ost. Stor suksess!

Til hovudrett prøvde eg "Hawaiian Chicken". Ein delt kyllingfilet med cajunkrydder, toppa med ananasring, bacon og ost. Snadder! Den bedre halvdelen min prøvde "Baconwrapped pork loin". Svinemedaljongar surra med bacon og calvadossaus. Også svært godt! Me fekk ei skål med grønnsaker og ei skål med poteter på bordet til oss begge. Det var kokte eller dampa gulrøtter, blomkål og broccoli (akkurat passe tilberedt), og potetmos og ovnsbakte poteter.

Alle dei tilsette som var innom bordet vårt var smilande blide og profesjonelle. Det var tydeleg at dei kunne dette med glutenfri mat. Restauranten er kanskje litt dyrare enn andre, men du kan på ein del av rettane velge ein mindre porsjon for ein billegare penge. Absolutt verdt turen!! Sjekk ut heimesida deira: www.casacabanalanzarote.co.uk




Bon apetit! :)

Årets pepperkaker

Denne oppskrifta eg har forsøkt i år fann eg inne på facebooksida "Norsk Cøliakiforening". Eg halverte den då det er ei stor oppskrift, men den originale er:

3 dl vatn, 0.5 dl lys sirup, 2 ss kanel, 2 ss nellik, 2 ss ingefær, 0.5 ts pepper, 750 gr sukker, 450 gr margarin, 2 ss natron, 900 gr jyttemel (den originale) og 500 gr Toro kakemiks. 

Bland saman og kok opp vatn, sirup, krydder og sukker. Ta gryta av plata og rør inn smør og natron. Rør til det vert kaldare og margarinen har smelta heilt. Arbeid inn jyttemelet. La deigen stå over natta, gjerne i romtemperatur, og kna så inn resten av melet. Det er jyttemelet som gjev rett konsistens, så ikkje bytt det ut. Steik kakene på 200 - 225 grader i 5 minutt. 

Eg lagde først ein deig som eg hadde alt melet i, og lot stå i kjøleskapet over natta. Den deigen var for det første knallhard og vanskeleg å få utav panna. For det andre var den ekstremt smulete og umogleg å kjevle utan at du kjørte den ei stund i mikroen. Me laga difor ein ny deig der me ikkje tok i toro-melet og lot deigen stå i romtemperatur. Då var deigen svært god å jobbe med.  


Elles så er det meste av julepynten komt opp. Det viktigaste var vel sambuaren min sin kalender som har følgt han sidan han var liten gut. Det har jammen sin sjarm når det føl med frå barndommen. 


Det er ikkje mange dagar igjen til jul nå, men ha ei fortsatt god førjulstid! 

Sprø småkaker/havreflarn

Årets første julekaker vart i år mamma sine sprø småkaker. Dei liknar på havreflarn, men skal eigentleg innehalde rosiner. Det er verken eg eller forloveden særleg glad i, så dei vart droppa. 

Du treng:
220 gr melange, 400 gr sukker, 1 ts vaniljesukker, 1/4 ts salt, 120 gr glutenfrie havregryn, 2 egg, 85 gr kokkosmasse, 240 gr toro lys kakemiks, 2 ts bakepulver og 1/2 ts natron. 

Rør smør og sukker kvitt. Bland det tørre saman og ha oppi. Du kan ikkje bruka håndmiksar, då deigen vart ganske tung. Eg tok den ut på benken og knadde den saman. Trill deigen eller ta den med teskjeier og set ut på plater.  


Steik kakene på 180 grader i 12-13 minutt. Kakene er svært skjøre når dei kjem ut av ovnen, så la dei kvile eit minutt før du tek dei over på rist. 

Glutenfri pizza frå Semper

Nå har eg testa den ferdige pizzaen til Semper som heiter capricciosa. Den har sopp og skinke og er toppa med ost. Eg hadde på litt ekstra ost, og tok på litt spekeskinka då den var ferdig steikt. 


Eg syns pizzaen var ein stor nedtur. Det første er at den er ganske dyr, og liten i forhold til prisen. Det andre er at den vart svidd og hard i kantane (det var faktiskt svært vanskeleg å kutte den opp) og nesten kald i midten. Eg måtte ta den litt i mikroen for å få den jamt varm. Eg kjem ikkje til å kjøpe denne fleire gonger!


Då må eg sei at bursdagsmiddagen min var mykje betre! Min bedre halvdel hadde laga heilsteikt ytrefilet, asparges surra med serranoskinke, steikt broccoli og fløytegratinerte poteter. Snadder!! 


I tillegg til flott bursdagsgåve og middag, fekk eg og ring på fingen frå min kjære!! Så nå må eg byrje å skrive forloveden min i staden for bedre halvdel. :D